18 Desember 1929 – FAK vier 91ste verjaarsdag

Die FAK vier vandag sy 91ste verjaardag.

Dié organisasie is op 18 Desember 1929 in Bloemfontein gestig en dr. N.J. van der Merwe is as die eerste voorsitter (sittende in die middel) aangewys. Hier verskyn die eerste uitvoerende komitee van die FAK. Die erkenning van Afrikaans as amptelike taal van Suid-Afrika, naas Engels, in 1925 was een van die belangrikste redes vir die stigting van die FAK. Dié erkenning het ’n groter bewuswording oor taal en kultuur onder Afrikaanssprekendes tot gevolg gehad.