Category Archives: Aanhaling van die week

Aanhaling van die week – 2 Mei 2022: Elize Botha

“Lees en skryf was vir my my lewe lank ’n durende plesier. Ek praat en ek skryf oor boeke omdat ek my daarvan nie kan weerhou nie.” Elize Botha (1930-2007), skrywer, akademikus, literêre kritikus. (BRON: LitNet, 29-04-2022)

Aanhaling van die week – 11 April 2022: Audrey Blignault en Golgota

“’n Diep vertroosting is dat die liefde vir boeke ’n mens kan bybly solank jy leef. Jy hoef dit nooit soos ander stokperdjies en belangstellings langs die pad te laat lê nie.” Audrey Blignault (Afrikaanse skrywer, joernalis, radioaanbieder) Golgota (Uit: “Die passie van ons Heer”) Met rooi, gewonde voete en die pyn van dorings wat […]

Aanhaling van die week – 11 Februarie 2022: Elsabe Steenberg

“Ek glo boeke sal altyd ’n plek hê by oud en jonk, ondanks die ontwikkeling van elektroniese vermaak. Ons almal wat graag lees, het die heerlike taak om kinders en tieners bewus te maak van die wêreld wat oopgaan by die lees van elke boek.” Elsabe Steenberg (1938-1996), Afrikaanse skrywer en akademikus.  

Aanhaling van die week – 17 Januarie 2022: Daniel Hugo

“[…] hoewel ’n mens in ’n kultuur gebore word, [kom] jy nie met kultuur in die wêreld nie. Dit is iets wat verwerf moet word.” Uit: “Oh wide and sad land: Adam Small vertaal N.P. van Wyk Louw”, Vers & kapittel: Artikels, rubrieke en naskrifte oor die digkuns – Daniel Hugo. Beskikbaar in Kraal Uitgewers […]

Aanhaling van die week – 13 Desember 2021: Arina du Plessis

“Die kos waarop jy en jou familie grootgemaak is, is jul onthoukos; jul eie erfkos. Dit hoef nie kultuurhistoriese kosskatte wees nie.” Arina du Plessis (“Elke resep het ’n storie”, Landbou Boerekos, Somer 2017-’18)