Die Taaltrommel 10 Augustus 2020 – Vrolike versies

Ontdek wonderlike taalskatte soos vreemde uitdrukkings, ongewone woorde, moeilike uitspraak, tongbrekerrympies of kopkrap-terminologie.

Twee vrolike versies: vir die (wynlose) grendeltyd en vir die huidige sinustyd

Die pikkewyn (Abraham Fouché)

Die lompe, plompe pikkewyn,
die sout seewater is sy wyn:
sy kelderdeur staan altyd oop;
hy wiegel-waggel as hy loop.

O pikkewyn, o pikkewyn,
gee my ’n bietjie van jou wyn!

O pikkewyn, o pikkewyn,
Gee my ’n bietjie van jou wyn!

Probeer om dié rympie so vinnig as moontlik te sê sonder om oor jou woorde te struikel:

My liewe neef Louw,
my neus jeuk nou.
Jeuk liewe neef Louw
se neef ook nou?

(Bron: Leer speel-speel Afrikaans: ’n Kreatiewe benadering – Renee Muller)