Die Taaltrommel 5 Oktober 2020 – Volksetimologie

Ontdek wonderlike taalskatte soos vreemde uitdrukkings, ongewone woorde, moeilike uitspraak, tongbrekerrympies of kopkrap-terminologie.


Wat is volksetimologie?

Dit is die vervorming in die volksmond van vreemde, verouderde en onverstaanbare woorde tot woorde met ’n bekende klank – dikwels met ’n humoristiese gevolg.

Voorbeelde:

arrie-warrie: uit Frans au revoir
bromkatjies/bromkaatjies: uit Engels bronchitis
katjiepiering: uit Maleis katja en piring
kothuis: uit Engels cottage
oliekolonie: uit Frans eau de Cologne
soetamaling: uit Maleis sedep malam

(Bronne: Handwoordeboek van die Afrikaanse Taal, 5de uitgawe; Virtuele Instituut vir Afrikaans: https://viva-afrikaans.org/lees-luister/blog/item/445-volksetimologie)