Bondgenote en dwarstrekkers: Die Transvaalse en Vrystaatse regerings in die Anglo-Boereoorlog, 1899-1902

R250.00

Toe die Anglo-Boereoorlog in 1899 uitbreek, was die wedersydse lojaliteit tussen Zuid-Afrikaansche Republiek (ZAR) en die Oranje-Vrystaat (OVS) groot en die verhoudings tussen die leiers was oor die algemeen baie hartlik. Maar hoe verder die oorlog gevorder het, hoe hewiger het die verskille tussen die bondgenote geword.

In Bondgenote en dwarstrekkers: Die Transvaalse en Vrystaatse regerings in die Anglo-Boereoorlog, 1899-1902 laat val Leopold Scholtz die kollig op die minder bekende “stryd agter die stryd” tydens die Anglo-Boereoorlog: die verskillende standpunte en oortuigings van die republikeinse leiers; botsende persoonlikhede en opbouende spanning.

Uitverkoop

Volgens Scholtz was die bondgenootskap van die Transvalers en Vrystaters in die praktyk ’n alliansie van dwarstrekkers (vandaar dan ook die titel) wat nogal kenmerkend van die Afrikaner geword het en selfs in latere jare tot ’n skeuring en opponerende politieke partye gelei het.

Die vertolkings en gevolgtrekkings wat Scholtz maak gee aan die leser ’n beter insig van hierdie tydperk in die Afrikaner se geskiedenis en herinner hom daaraan dat bondgenote dikwels met mekaar ’n oorlog in die kleine veg te midde van die militêre stryd met die opponent.

Spesifikasies: Portret; 229 mm x 152 mm; sagteband; 280 bladsye
Skrywer: Leopold Scholtz
Redakteur: Fransjohan Pretorius
Uitgewer: Kraal Uitgewers
Genre: Niefiksie
Reeks: Kraal Histories

Bondgenote en dwarstrekkers: Die Transvaalse en Vrystaatse regerings in die Anglo-Boereoorlog, 1899-1902

kraaluitgewers