WEER BESKIKBAAR
❤ Voeg op my wenslys

Spioenmeesters – Vriende, vyande en verraaiers van die 20ste eeu

R380.00

Spioenmeesters onthul die feite oor 18 verskillende intelligensie-gevallestudies wat Suid-Afrika direk en indirek beïnvloed het. Dit ondersoek ook legendariese intelligensie-agente soos Hendrik van den Bergh, Dieter Gerhardt, Arthur McGiven, Craig Williamson en Gerard Ludi se betrokkenheid by dié gebeure.

Die boek openbaar van die geheime van spioenasie en teenspioenasie wat gedurende die Anglo-Boereoorlog en die wêreldoorloë plaasgevind en ’n hoogtepunt tydens die Koue Oorlog bereik het. Daar word ook ondersoek ingestel na opspraakwekkende intelligensie-gebeure wat tydens Suid-Afrika se stormagtige 1960’s en 1970’s afgespeel en onder meer tot die klopjag op Liliesleaf gelei het. In Spioenmeesters spoor die skrywer en afgetrede intelligensie-kenner, Henning van Aswegen, ook die gebeure na rakende Operasie Vula, die ANC-komplot wat amper die vredesonderhandelinge van die 1990’s in die wiele gery het.    

Voorraad beskikbaar

❤ Voeg op my wenslys
ISBN: 978-1-990915-04-8 Kategorieë: , , Tags: , , , , , , , , , , , , , , , , , ,

Hoe het dit gebeur dat twee Boerespioene in Oos-Afrika as Duitse en Britse agente tydens die Eerste Wêreldoorlog teenoor mekaar te staan gekom het? Was Fritz Duquesne, die susterskind van genl. Piet Joubert, waarlik verantwoordelik vir lord Kitchener se dood en was hy later die leier van Amerika se grootste spioenasienetwerk? Was Dieter Gerhardt, ’n kommodoor in die Suid-Afrikaanse Vloot en GRU-agent, ’n held of ’n verraaier?
Wie was die Russiese KGB-spioen wat ’n bietjie Afrikaans kon praat? En hoe het Gerard Ludi daarin geslaag om die SAKP te infiltreer?

Dié en tientalle ander vrae word in Spioenmeesters beantwoord.

 

Spesifikasies:       Portret; 241 mm x 170 mm; sagtebandomslag; 388 bladsye
Uitgewer:               Kraal Uitgewers
Genre:                    Geskiedenis
Publikasiedatum:  November 2021
Uitgawe:                 Eerste