Skrywersaanhaling van die week – 2 Maart 2020

“Verdwyn Afrikaans as taal van hoëronderwys sal dit mettertyd ook uit laeronderwys verdwyn en sal die literatuur wat daarin geskryf word langsamerhand kwyn totdat dit saam met die taal ten dode opgeskryf sal staan. Intussen kan ek nie anders as om in Afrikaans te leef en te dig nie, en sal ek soos Breyten ’n keer aan my gesê het, die lot van Afrikaans solank ek leef singend uit volle bors tegemoetgaan.”

– Carellina Pieternella (Lina) Spies (6 Maart 1939 – ), bekroonde Afrikaanse digteres, samesteller, vertaler, akademikus asook katteliefhebber.

(Bron: ATKV/LitNet-skrywersalbum, 2019-04-11)