Tag Archives: vandag in die verlede

26 Julie 1915 – De Burger verskyn vir die eerste keer

Nasionale Pers se eerste Afrikaanse koerant – “De Burger” – verskyn vandag 106 jaar gelede, op Maandag 26 Julie 1915, die eerste keer op Kaapstad se strate. ’n Predikant van Graaff-Reinet, dr. D.F. Malan, is as die koerant se eerste redakteur aangestel. Hy was aan die stuur van sake tot met sy uittrede in 1924. […]

23 Julie 1864 – Livingstone keer terug na Brittanje, na Zambesi ekspedisie

Die Skotse reisiger en sendeling dr. David Livingstone keer terug na Brittanje na die afhandeling van sy sogenaamde Zambesi-ekspedisie wat in 1858 begin is. Livingstone het gedurende sy eerste reis na Afrika (1841-1851) as mediese sendeling deur die binneland van die teenwoordige Suid-Afrika gereis. Hy was die eerste Europeër om in 1855 die reusewatervalle in […]

21 Julie 1812 – Kommandant Louw Wepener in Graaf-Reinet gebore

Kommandant Louw Wepener is op dié dag in Graaf-Reinet gebore. Wepener word as ʼn volksheld beskou vir sy aandeel in die Tweede Basoetoe-oorlog tydens die Slag by Thaba Bosigo in 1865. Die dorp Wepener is in 1867 gestig en na hom vernoem. (Foto: Borsbeeld van Louw Wepener voor die Stadsaal in Wepener, Vrystaat.)

19 Julie 1786 – Graaff-Reinet word gestig

Die dorp is vernoem na die destydse goewerneur van die Kaapkolonie, Cornelis Jacob van de Graaff, en sy vrou. Die dorp is oorspronklik gestig as ‘n handelspos om die binnelandse handel vanaf die Kaapkolonie uit te brei.  

5 Mei 1652 – Kaapse Houtbos

Vanaf die begin van die Kaapse verversingspos was daar ’n groot behoefte aan allerlei alledaagse noodsaaklikhede, waarvan timmer- en brandhout die belangrikstes was. In ’n poging om geskikte timmerhout te vind, het vier amptenare van die VOC op hierdie dag oor Kloofnek gestap en aan die berghange bokant Houtbaai vir die eerste keer ’n inheemse […]