Woord van die week – 13 Februarie 2018

babelas (Ook soms babalaas, babbelas en babelaas)

1. nw. Naar, siek gevoel met swaar hoofpyn nadat ’n mens te veel gedrink het; sin. haarpyn (verouderd), kater (verouderd): “Baie mense, moes al met die gevolge van ’n babelas saamleef. Die dikkop-, droëmond-gevoel ná ’n aandjie uit, is natuurlik ook iets wat met die ouderdom ál erger raak” (uit Volksblad, 26 Januarie 2013, elektroniese koerant).
2. nw. Naar, siek en kopseer deur die oormatige gebruik van drank: Hy is babelas. Babelas is in Afrikaans herontleen aan Zulu “ibabalazi” uit Afrikaans “bibberasie”. “Een van die gevolge van oormatige drankgebruik.” In 1940 in Afrikaans opgeteken.